Հարբած չինացին տուն հասնելու համար ձի է գողացել (լուսանկարներ)
Չինաստանի մայրաքաղաք Պեկինի բնակիչներից մեկը զավեշտալի պատմության «գլխավոր հերոս» է դարձել:
Ինչպես նշում է gazeta.ru-ն, Վան անունով տղամարդը մասնակցել է տեղի ձիաբուծարանի տարածքում անցկացված դիմակահանդեսին: Սակայն չինացին չարաշահել է ոգելից խմիչքների օգտագործումը, ինչի հետևանքով հարբել է ու որոշել ձիով տուն գնալ:
Չինական ավանդական կոստյում հագած ու քաղաքով մեկ ձիով շրջող տղամարդը զարմացրել է անցորդներին: Ընդհանուր առմամբ նա ձիով շրջել է 3 ժամ` հաղթահարելով 20 կմ հեռավորություն:
Հասնելով տուն` նա ձիուն թողել է դռան մոտ, իսկ ինքը գնացել քնելու: Առավոտյան Վանը ստիպված է եղել վերադարձնել կենդանուն ձիաբուծարան:
Չինացու լուսանկարներն իսկական հիթ են դարձել համացանցում:















