Իտալիայում փորձում են ստեղծել սարդոստայն, որը կդիմանա ընկնող ինքնաթիռի քաշին

Իտալական Տրենտո համալսարանի հետազոտողները մշակում են սարդոստայնի հատուկ տեխնոլոգիա, որն ապագայում թույլ կտա ստեղծել նյութ, որը կկարողանա դիմանալ ընկնող ինքնաթիռի քաշին, գրում է korrespondent.net-ը:

Հետազոտողների թիմի կողմից սարդերի վրա անցկացվող փորձերի արդյունքում միջատները սկսել են հյուսել սովորականից 3,5 անգամ ավելի ամուր սարդոստայն:

Գիտնականները հուսով են, որ հաջողության դեպքում այդ հայտնագործությունը կօգնի ընկնող ինքնաթիռը պահող հիբրիդային նյութի զանգվածային արտադրություն սկսել:

Միևնույն ժամանակ նշվում է, որ սարդերի հետ փորձն ամբողջությամբ հաջող չի ընթացել: Սարդերից մի քանիսը սկսել են հյուսել ոչ ամուր սարդոստայն, չորսը սատկել են։