Չինաստանում անցորդը դաժան ծեծի է ենթարկել փողոցն ավլող 3-ամյա տղային. տեսանյութը ցնցել է համացանցը (տեսանյութ)
Համացանցում է հայտնվել ցնցող տեսանյութ, որտեղ երևում է, թե ինչպես է Չինաստանում մի տղամարդ դաժան ծեծի ենթարկում երեք տարեկան տղայի, գրում է The Daily Mail-ը:
Ինչպես երևում է մայիսի 4-ին արված տեսանյութում, երեխան ավլելիս է եղել փողոցը, երբ մի տղամարդ անսպասելիորեն հարվածել է տղային՝ նրան գետնին գցելով և գլխին ոտքով մի քանի հարված հասցնելով: People’s Daily Online-ը հաստատել է, որ միջադեպը տեղի է ունեցել Չինաստանի Շանսի շրջանի Յանյան քաղաքում:
Տեղի իշխանությունները հայտնել են, որ կասկածյալը բերման է ենթարկվել, հոգեբուժական զննում է անցնում:
37 վայրկյան տևած հարձակման ընթացքում տղամարդը դաժանաբար հարվածել է տղայի գլխին, այնուհետ հարվածել նրան երեխայի ձեռքին եղած մաքրելու փայտով: Փողոցում գտնվող խանութից, ի վերջո, մի տղամարդ է դուրս եկել և կանգնեցրել հարձակվողին:
Տղային տեղափոխել են հիվանդանոց։
















