Ամերիկացի զինվորականներն սկսել են վերապատրաստել սիրիացի զինյալներին
Ամերիկացի զինվորականները հաղորդել են «իսլամական պետության» դեմ մարտնչող սիրիացի ապստամբների համար ռազմաուսուցողական ճամբարների բացման մասին:
Ինչպես հաղորդում է Корреспондент-ը` BBC-ին հղումով, հատուկ ուսումնամարզական բազաները տեղակայված են հարևան Հորդանանի տարածքում և ինչպես ակնկալվում է` բացվելու են նաև Թուրքիայում, Կատարում և Սաուդյան Արաբիայում:
Հաղորդվում է, որ ամերիկացիների մոտ վերապատրաստում անցնել ցանկացել են Սիրիայի ընդդիմության շուրջ 4000 զինվոր, սակայն միայն 400-ն են կարողացել անցնել նախնական ընտրության փուլը:
Վկայությունն այն մասին, որ արևմտյան մասնագետները վերապատրաստում են սիրիացի ապստամբներին Հորդանանում, հայտնվել էր դեռ երկու տարի առաջ, սակայն պաշտոնական հաստատում չէր եղել:










