Օրորոցից ծնված երեխայից մինչև զառամյալ ծերունին այսօրվա տոնակատարությունը պետք է մեծարի. արցախցի ուսուցիչ
Օրորոցից ծնված երեխայից մինչև զառամյալ ծերունին այսօրվա տոնակատարությունը պետք է մեծարի, պետք է իմանա, թե դա ինչ տոնակատարություն է ժողովրդի համար: Այս մասին Tert.am-ի հետ զրույցում ասաց Ստեփանակերտի Աշոտ Ղուլյանի անվան համար երկրորդ դպրոց տարրական դասարանի դասվար Վիոլետա Բաբայանը: Նա ասաց, որ այն ավելին է քան եռատոնը։
Անդրադառնալով երեխաների կողմից տոնի ընկալմանը՝ նա նշեց. «Երեխաները գիտեն ինչ տոն է այսօր, նույնիսկ զինվորական համազգեստ են պատրաստել, որ դրանցով մասնակցեն տոնին»։
«Երեխաները Շուշիի ազատագրումից բացի, գիտեն Հայրենական մեծ պատերազմի հերոսներին և համեմատական են անցկացնում այսօրվա հերոսների հետ»,- ասաց նա և հայտնեց, որ դասարանում ունեն արցախյան հերոսների նկարներով վահանակներ, որոնց առաջ երեխաները միշտ թարմ ծաղիկներ են դնում:










