Չիլիի ափերին մոտ 40 սատկած կետ է հայտնաբերվել
Չիլիի հարավային ափերին 37 սատկած կետ է հայտնաբերվել, որոնք ըստ հարավամերիկյան երկրի ձկնորսության ազգային ծառայության տվյալների՝ ափ են նետվել և սատկել, գրում է korrespondent.net-ը:
Փորձագետները նշում են, որ նման երևույթներ Չիլիում տեղի են ունեցել նաև նախկինում:
Կետերին հայտնաբերել են օտարերկրյա գիտնականները, ովքեր այդ ժամանակ հետազոտություն էին իրականացնում նշված տարածքում:
Նման վարքի պատճառները դեռևս հայտնի չեն: Տեղի գիտնականները կարծում են, որ կետերն ափ են նետվել մի քանի շաբաթ առաջ։










