Երկրորդ համաշխարհային պատերազմի հերոսն ու նրա կինը, որ ամուսնացած էին շուրջ 72 տարի, մահացել են ժամերի տարբերությամբ (լուսանկարներ)
Բրիտանիայում Երկրորդ համաշխարհային պատերազմի հերոսն ու նրա կինը, ովքեր ամուսնացել էին 72 տարի առաջ՝ պատերազմի կեսին, մահացել են ընդամենը ժամերի տարբերությամբ, գրում է The Daily Mail-ը:
Պատերազմի միջով անցած 89-ամյա Ջոան Մոսը և նրա 91-ամյա ամուսինը՝ Վալտեր, մահացել են նույն հիվանդանոցում՝ նույն հիվանդությունից՝ նույն օրը:
Այնուամենայնիվ, դեռ տարիներ առաջ, Ջոան Մոսի հայրը չէր ցանկանում թույլ տալ ամուսնությունը, սակայն երբ նա իմանում է, որ Վալտերը մեկնում է Ֆրանսիա պատերազմի, նա մեղմանում է և զույգն ի վերջո ամուսնանում է 1943 թվականի հուլիսի 3-ին, երբ երիտասարդներն ընդամենը 19 և 17 տարեկան էին:
Վալտերը եղել է պատերազմի ամենաթեժ գոտիներում, բայց կենդանի է մնացել և շուտով վերադարձել է իր աշխատանքին:
Ամուսիններին մարտ ամսին տեղափոխել էին հիվանդանոց տարբեր պատճառներով, ինչից հետո նրանց երկուսի մոտ թոքերի բորբոքում էր նկատվել:
Ջոան Մոսն առաջինն է մահացել ապրիլի 28-ին առավոտյան ժամը 6-ին, և մինչ ընտանիքի անդամները որոշում էին ինչպես հայտնել լուրը նրա ամուսնուն, նա նույնպես մահանում է երեկոյան 7:15՝ չիմանալով, որ կինն արդեն մահացել է:
]
















