Նյու Յորքի մոտակայքում գտնվող ատոմակայանում վթար է տեղի ունեցել

10:51 • 10.05.15

Նյու Յորքի մոտակայքում գտնվող Բյուկենեն քաղաքի շրջակայքում տեղակայված Indian Point ատոմակայանում հրդեհ է բռնկվել, հայտնում է Reuters-ը:


Հրդեհը տեղի է ունեցել շաբաթ օրը՝ տեղի ժամանակով 18:00-ին: Ականատեսները սոցիալական ցանցերում հաղորդել են, որ ատոմակայանի շենքի վրայից ծուխ է բարձրանում:


Ատոմակայանը շահագործող Entergy Corp ընկերության մամլո քարտուղար Ջերի Նապին ասել է, որ հրդեհը բռնկվել է էլեկտրական հոսանքի լարման կարգավորիչ սարքի պատճառով:


Կրակը մարվել է հրդեհի մարման ավտոմատ համակարգով: