Շվեդիայի դատարանն ուժի մեջ է թողել Wikileaks-ի հիմնադիր Ջուլիան Ասանժի ձերբակալության օրդերը

15:36 • 11.05.15

Շվեդիայի գերագույն դատարանն ուժի մեջ է թողել Wikileaks կայքի հիմնադիր Ջուլիան Ասանժի ձերբակալության օրդերը, գրում է korrespondent.net-ը:

 

«Գերագույն դատարանը հիմք չի գտել ձերբակալության օրդերը չեղարկելու համար»,- ասված է դատարանի վճռի տեքստում:

 

Ասանժը Լոնդոնում Էկվադորի դեսպանատանն է թաքնվում 2012 թվականի հունիսից, երբ բրիտանական դատարանը որոշում կայացրեց արտահանձնել նրան Շվեդիա, որպեսզի նրան հարցաքննեն սեռական բնույթի հանցագործությունների գործով: Էկվադորն Ասանժին ապաստան է տրամադրել, սակայն Մեծ Բրիտանիայի իշխանությունները վճռականորեն ցանկանում են «իրականացնել իրենց պարտավորությունները» Շվեդիայի հանդեպ: Դեսպանատան շենքի առաջ մշտապես հսկում է ոստիկանների խումբը: