ԱՄՆ-ում վթարի պատճառով նավթամթերքը թափվել է Հուդզոն գետը

11:13 • 11.05.15

Նյու Յորքից 50 կմ հեռավորության վրա գտնվող Indian Point էլեկտրակայանում տեղի ունեցած վթարից հետո Հուդզոն գետն է թափվել մեծ քանակությամբ նավթամթերք:



Ինչպես նշում է lenta.ru-ն, այս մասին տեղեկացրել է անձամբ Նյու Յորքի նահանգապետ Էնդրյու Կուոմոն:

 

«Կասկած չկա, որ տրանսֆորմատորային յուղը թափվում է Հուդզոն գետը, սակայն դրա ծավալի մասին ոչինչ չգիտենք»,- ասել է պաշտոնյան, ով այցելել է դեպքի վայր:

 

Հայտնի է, որ գետի մաքրման աշխատանքները կտևեն 1-2 օր: Իսկ բնապահպանական վնասները նվազագույնի հասցնելու համար իշխանություններն արդեն մի շարք միջոցառումներ են իրականացրել:

 

Աղբյուրը հավելում է, որ միջադեպի ֆոնին մի շարք բնապահպաններ կոչ են արել մեկընդմիշտ փակել էլեկտրակայանը: