Ֆրանսիայի կենդանաբանական այգուց գողացել են հազվագյուտ կապիկների երկու ընտանիք
Հանցագործները 17 հազվագյուտ կապիկ են գողացել Ֆրանսիայի հյուսիսում գտնվող Բովալ քաղաքի կենդանաբանական այգուց: Այդ մասին հայտարարել է հաստատության տնօրեն Ռուդոլֆ Դելորդը, գրում է ria.ru-ն:
«Շատ հազվագյուտ, շատ նուրբ կապիկներ են, որոնք մտնում են բազմացման միջազգային ծրագրի մեջ: Մենք պատկերացում չունենք, թե ինչպես դա կարող էր տեղի ունենալ: Գողերը մասնագետներ են եղել: Նրանք լավ գիտեին՝ ինչ տանել»,- ասել է Դելորդը:
Դելորդը հավելել է, որ կապիկներին շատ դժվար է կերակրել, և նրանց հարկավոր է մասնագետների խնամքը:
«Մենք հույս ունենք շուտով գտնել նրանց»,- հավելել է կենդանաբանական այգու տնօրենը:










