Valentino-ի դիզայներներն աշխատել են Aston Martin-ի հատուկ մոդելի վրա

Vanquish Volante  «քողարկված» մոդելը մայսի 14-ին կվաճառվի Լոնդոնում Cash & Rocket-ի բարեգործական ընթրիքի ժամանակ անցկացվելիք աճուրդում:

Ինչպես ներկայացնում է Rbc.ru-ն` յուրօրինակ մոդելի ինտերիերի վրա աշխատել են  Valentino-ի դիզայներներ Մարիա Գրացիա Կյուրին և Պիեռ Պաոլո Պիչոլին, իսկ նրանց մտքերը կյանքի են կոչել հատուկ մոդելների թողարկմամբ զբաղվող Q by Aston Martin ստորաբաժանման  մասնագետները:

Մեքենայի թափքը ներկված է քողարկման գույներով, իսկ սրահի որոշ տարրեր պատրաստված են նորաձև ածխապլաստիկից: Մեքենայի վաճառքից ստացված գումարը կհատկացվի բարեգործության: Vanquish Volante-ի գինը, սակայն, չի հաղորդվում: