Աննախադեպ մեծ՝ տարեկան 16 մլն մ³ ջրատվությամբ վթարային հորի լուծարման աշխատանքներն ավարտվել են. Բննախ

16:44 • 15.05.15

ՀՀ բնապահպանության նախարար Արամայիս Գրիգորյանի հանձնարարականով ստեղծված աշխատանքային խումբը ՀՀ Արարատի և Արմավիրի մարզերում ինքնաշատրվանող ապօրինի խորքային հորերի լուծարման, կոնսերվացման և կարգաբերման աշխատանքների շրջանակում  2014 թ. նոյեմբերին  սկսել էր ՀՀ Արարատի մարզի Սայաթ-Նովա համայնքի հարակից տարածքում «Հայջրմուղկոյուղի» ՓԲԸ–ի հաշվեկշռում գտնվող աննախադեպ մեծության՝ մոտ 500 լ/վ ջրատվությամբ վթարային ինքնաշատրվանվող խորքային հորի լուծարման աշխատանքները:


Այս մասին հայտնում են ՀՀ բնապահպանության նախարարության տեղեկատվության և հասարակայնության հետ կապերի վարչությունից։


«Խորքային հորի մեկ տարվա ջրատվությունը կազմում էր 16 մլն մ³: 100 մետր խորություն ունեցող հորի լուծարման հիմնական՝ երրորդ փուլը սկսելու համար, երկրորդ փուլում մի քանի պոմպերի միջոցով կատարվել են լճի վերածված հորատանցքի հարակից տարածքներից ջրահեռացման աշխատանքները:

 

Այն թույլ  էր տվել հայտնաբերել հիմնական հորատանցքը, որը տասնամյակների ընթացքում վթարվելու պատճառով մի քանի մետրով տեղաշարժվել էր:  Այսօր ավարտվել են լուծարման աշխատանքները:   Հորի ամբողջ խորությամբ իրականացվել են խճալցման և կավալցման աշխատանքներ»,–ասվում է հաղորդագրությունում։