Նաիրիտցիների մեկ օրը կառավարության շենքի դիմաց (լուսանկարներ, տեսանյութ)

14:35 • 15.05.15

Նաիրիտցիները, որ երեկվանից կառավարության շենքի դիմաց նստացույց են անում, տասը րոպեն մեկ վանկարկում են`«աշ-խա-տա-վարձ»:


Կառավարության վարչական շենք մտնող տարբեր պաշտոնյաներին տեսնելուն պես վանկարկումներն ու սուլոցներն ավելանում են:


Նստացույցի պայմանները տանելի դարձնելու համար նաիրիտցիներն իրենց հետ բերել են որոշ կենցաղային իրեր. գորգեր` ավելի հարմար նստելու համար, փոքրիկ  գազի բալոն`սուրճ  եփելու համար, հովանոցներ` անձրևից ու արևից պաշտպանվելու համար:


«Այսօր «Նաիրիտ» գործարանի  ինչպես ասում են` «Վերջին զանգն» էր  Հանրապետության հրապարակում»,- հեգնեց գործարանի կին աշխատակիցներից մեկը:


Գործարանի աշխատակիցներից մեկն էլ, պատասխանելով  Tert.am-ի հարցին, թե կառավարության կողմից իրենց պահանջները ևս մեկ անգամ լսելու ցանկություն, կամ աշխատավարձի պարտքը մարելու խոստումներ եղել են, նկատեց. «Չէ, մեզ շարունակում են արհամարհել»: