Նեբրասկայում արտակարգ դրություն է հայտարարվել թռչնագրիպի պատճառով

09:18 • 15.05.15

Միացյալ Նահանգների Նեբրասկա նահանգում իշխանություններն արտակարգ դրություն են հայտարարել, ինչը պայմանավորված է թռչնագրիպի զանգվածային բռնկմամբ:

 

Ինչպես նշում է korrespondent.net-ը, Նեբրասկայի նահանգապետ Փիթ Ռիքեթսը համապատասխան հրամանագիրը ստորագրել է այն ժամանակ, երբ թռչնագրիպի վարակը հայտնաբերվել է նահանգի արդեն 2-րդ խոշոր թռչնաբուծարանում:

 

Աղբյուրը նկատում է, որ արտակարգ դրության սահմանումը հնարավորություն կտա պահուստային ֆոնդերն ու օգնության մյուս տեսակներն ուղղել Նեբրասկայի գյուղատնտեսական ոլորտի ֆինանսավորմանը: