Արյան փոփոխությունները կարող են հուշել քաղցկեղի առաջացման մասին առաջին ախտանշաններից 13 տարի շուտ

Արյան բաղադրության մեջ տեղի ունեցող աննշան  գենետիկ  փոփոխությունները առաջիկա տարիներին արդեն   կարող են օգնել ախտորոշել քաղցկեղի առաջացումը:

Ինչպես գրում է  healthonlinecentral.com–ը` ԱՄՆ-ի Հյուսիսարևմտյան համալսարանի գիտնականները հայտնաբերել են, որ փոփոխությունը թելոմերներում (քրոմոսոմի ծայրին առկա ելուստներ, որոնք նեղանում  են տարիքի հետ) կարող է ցույց տալ` արդյո՞ք մարդու մոտ  քաղցկեղի զարգացման վտանգ կա, թե՞ ոչ՝ 13 տարի առաջ այն բանից, երբ ի հայտ կգան դրա առաջին ախտանշանները:

Այս առումով առաջին հետազոտությունը ցույց է տվել, որ թելոմերների երկարությունը հիմնական տարրն է, որի շնորհիվ հնարավոր է նկատել հետագայում հիվանդության առաջացման հանարավորությունները: