Google-ի ինքնավար մեքենաները ամերիկյան փողոցներում կհայտնվեն ամռանը

Google  ընկերությունը հայտարարել է, որ այս ամառվանից սկսած՝ Google-ի մեքենաները փորձարկման հրապարակից դուրս կբերվեն իրական ճանապարհային երթևեկության:

Ինչպես հաղորդում է Корреспондент-ը` TechCruch-ին հղումով, հատուկ այդ միջոցառման համար ընկերությունը նաև ցուցադրական տեսանյութ է պատրաստել, որը հրապարակվել է Google Self-Driving Car Project-ի յութուբյան ալիքով:

Սկզբնական շրջանում մեքենաները կերթևեկեն բացառապես Կալիֆորնիայի Մաունթին Վյու քաղաքի փողոցներով` ընկերության գրասենյակի մոտակայքում:

Ինչպես նշում են ծրագրավորողները` փորձարկումների  ժամանակ համակարգն արդեն միջին վիճակագրական ամերիկացու վարման 75 տարվա փորձ է կուտակել և պատրաստ է նոր փորձարկումների:

Մեքենաներն անվտանգության նկատառումներով դեռևս չեն կարող 40 կմ/ժամ-ից ավելի արագություն զարգացնել:  Առաջին փորձարարական մեքենաները համալրված կլինեն շարժական  ղեկանիվով և ոտնակներով  և կաշխատեն ավտոպիլոտ համակարգով` սակայն ներսում գտնվող վարորդի վերահսկողությամբ: