Չինական քաղաքի «փայլող» ափի գեղեցիկ լուսանկարներն իրականում ցույց են տալիս աղտոտվածության աստիճանը (լուսանկարներ)

Ասում են՝ ամենը, ինչ փայլում է, ոսկի չէ: Ասվածը լիովին համապատասխանում է իրականում աղտոտվածության նշան հանդիսացող չինական քաղաքի փայլող ափի լուսանկարներին, գրում է The Daily Mail-ը:

Չինաստանի արևելյան Լյաոնին շրջանի Դալիյան քաղաքի ափերին հայտնված այս տպավորիչ տեսարանը հայտնի է որպես «Ծովային փայլ»: Այս տարօրինակ փայլն առաջանում է աղտոտման պատճառով աճող Noctiluca scintillans անվանումով վնասակար ջրիմուռների ծաղկելուց: Այս օրգանիզմները կարող են մեծ վնաս հասցնել ծովային կյանքին և ձկներին:

Այս տեսարանը ստացել է նաև «ծովային ուրվական» անվանումը՝ այն պատճառով, որ դրա գույները հատկապես վառ են գիշերը և գրավում են բազմաթիվ լուսանկարիչների՝ ջրի կապույտ փայլը հավերժացնելու համար:

Արդեն երկրորդ անգամն է, որ այս երևույթը հայտնվում է ծանրաբեռնված նավահանգստային քաղաքի ափին: