Ճապոնիայում օվկիանոսի մեջտեղում հրաբխային կղզի է ձևավորվել (լուսանկարներ)

Ճապոնիայում Խաղաղ օվկիանոսի մեջտեղում հրաբխային կղզի է ձևավորվել, որն անվանել են Նիշինոշիմա, գրում է Daily Mail-ը։

Այն զբաղեցնում է մոտ 2.46 ք/կմ տարածք, իսկ մակերևույթն առաջացել է դուրս ժայթքած լավայի սառչելուց։

Տոկիոյից 1000 կմ հեռու գտնվող կղզյակը հրաբխի արդյունքում սկսել էր ձևավորվել դեռ 2013-ի նոյեմբերին, հետագայում ակտիվ հրաբուխն այն ավելի մեծացրեց։

Հետաքրքրական է, որ կղզու վրա բուսականություն է առաջացել։

Կղզին այժմ Օգասավարա կղզեխմբի մասն է։ Դրա ուսումնասիրություններով զբաղվող կոմիտեի ղեկավար Նաոկի Կաչին ասել է, որ իրենք ոգևորությամբ հետևում են կղզում տեղի ունեցող իրադարձություններին և հետազոտություններ են անցկացնում, քանի որ գիտնականների համար հրաշալի հնարավորություն է դիտարկելու կյանքի առաջացումը կղզու վրա։