Թուրքիայում ընդդիմադիր կուսակցության գրասենյակներում պայթյուններ են տեղի ունեցել

13:30 • 18.05.15

Ադանա և Մերսին նահանգներում պայթյուններ են հնչել քրդամետ «Ազգերի դեմոկրատիա» կուսակցության շտաբ-բնակարաններում:

 

Ինչպես տեղեկացնում է թուրքական «Հուրրիյեթ» պարբերականի կայքը, միջադեպերի հետևանքով վիրավորվել է 3 մարդ:

 

Այս նահանգներում այսօր պետք է տեղի ունենար կուսակցության առաջնորդ Սալահեթթին Դեմիրթաշի նախընտրական հանրահավաքը:

 

Պայթյունների հետևանքով կուսակցության ընտրողների շրջանում խուճապ է սկսվել:
Համաձայն պնդումների՝ Ադանայում տեղի ունեցած պայթյունը տեղի է ունեցել կուսակցության գրասենյակ ուղարկված ծաղիկների միջոցով:

 

Հիշեցնենք, որ հունիսին Թուրքիայում կայանալու են խորհրդարանական ընտրություններ։