Ռուսաստանում կարծում են, որ Կոնչիտա Վուրսթի հետ Պոլինա Գագարինայի գրկախառնությունը վնասում է երկրին
Սանկտ Պետերբուրգի օրենսդիր ժողովի պատգամավոր Վիտալի Միլոնովը հայտարարել է, որ այս տարի «Եվրատեսիլում» Ռուսաստանը ներկայացնող Պոլինա Գագարինան իրավունք չուներ գրկախառնվելու մրցույթի նախորդ տարվա հաղթող Կոնչիտա Վուրսթի հետ, գրում է gazeta.ru-ն:
«Ոչ մեկ իրավունք չունի այդ կնոջը, այդ կատարողին Ռուսաստանի ներկայացուցիչ անվանել: Նա Ռուսաստանից որևէ մանդատ չունի: Եթե նրան առաջ են տարել հարուստ PR մենեջերները, դա նշանակում է, որ նա PR մենեջերների, պրոդյուսերների դրածոն է: Բայց ոչ մի դեպքում Ռուսաստանի: Չփորձե՛լ վնասել Ռուսաստանին եվրաայլասերվածների հետ գրկախառնություններով»,- հայտարարել է Միլոնովը:
Պատգամավորը նաև ընդգծել է, որ Ռուսաստանը պետք է ամբողջությամբ հրաժարվի «Եվրատեսիլին» մասնակցությունից:
Ավելի վաղ հաղորդվել է, որ ռուս երգչուհի Պոլինա Գագարինան և Կոնչիտա Վուրսթը, ով վարում է «Եվրատեսիլ-2015-ը», Վիեննայում փոխանակվել են ընկերական համբույրներով:










