Ճապոնիայում շոգի պատճառով 2 մարդ է մահացել, ավելի քան 480 մարդ տեղափոխվել է հիվանդանոց
Ճապոնիայում մայիսի 11-17-ը ջերմային հարվածի հետևանքով մահացել է 2 մարդ, ավելի քան 480 մարդ հոսպիտալացվել է։ Այս մասին հայտնել է արտակարգ իրավիճակների ծառայության գործառույթներ իրականացնող Ճապոնիայի գլխավոր հրդեհային վարչությունը, փոխանցում է Комсомольская правда-ն։
Նախորդ շաբաթ Ճապոնիայի շատ շրջաններում, այդ թվում՝ Տոկիոյում, օդի ջերմաստիճանը բարձրացել է մինչև 30 աստիճան։ Այսօր, սակայն, տարվա այս ժամանակահատվածի համար անսովոր տապը համեմատաբար նվազել է, սկսել են անձրևներ տեղալ։










