LG-ն ներկայացրել է 1 միլիմետր հաստություն ունեցող հեռուստացույցի առաջին նախատիպը

Հարավկորեական LG Electronics ընկերությունը ցուցադրել է 55 դյույմ անկյունագծով օրգանական լուսադիոդային (OLED) էկրանով գերբարակ հեռուստացույցի նախատիպը, որի հաստությունը մեկ միլիմետր է, գրում է lenta.ru-ն։

Հեռուստացույցը ներկայացվել է Սեուլում (Հրվ. Կորեա) արդյունաբերական ցուցահանդեսի ժամանակ։ Նմուշը կշռում է մոտ 2 կգ և պատին ամրանում է մագնիսով։

Այն ներկայացվել է որպես վկայություն նրա, որ մոտ ապագայում LG-ն կշարունակի զգալի ուշադրություն դարձնել լուսադիոդային տեխնոլոգիաներին ու դրանցով համալրված արտադրանքների ստեղծմանը։

Ցուցադրված նմուշների զանգվածային արտադրության ու դրանց վաճառքի մասին տվյալներն առայժմ անհայտ են։