Գիտնականները երկարակեցության նոր բաղադրատոմս են հայտնաբերել

Հարվարդի համալսարանի հետազոտող գիտնականների խումբը պարզել է, որ տարեց մարդիկ, ովքեր հաճախ են ծովամթերք օգտագործում, 30 տոկոսով ավելի քիչ են հակված սրտային համակարգի  հիվանդություններ ձեռք բերելուն և ընդհանուր առմամբ՝ ավելի երկար են ապրում: Ինչպես տեղեկացնում է Корреспондент-ը` հետազոտության արդյունքները հարապարակվել են Annals of Internal Medicine ամսագրում:

Հետազոտությունն անցկացվել է տասնվեց տարվա ընթացքում` 65 տարեկանից բարձր 3000 մարդու մասնակցությամբ: Նրանց մի մասը ծովամթերքներ էր օգտագործում, մյուսը` ոչ: Երկու խմբում էլ օրգանիզմի մոնիթորինգ էին անցկացնում պարբերաբար` որոշելով ընդհանուր վիճակը և գրանցելով հիվանդության կամ մահացության դեպքերը:

Արդյունքում ծովամթերքների սիրահարները 16 տարվա ավարտին ցույց են տվել 2.2 տարով ավելի երկար կյանքի տևողություն, քան նրանք, որ ձկնեղեն չեն օգտագործել:

Ինչպես նշում են գիտնականները` ողջ հարցը ձկան բաղադրության մեջ առկա ճարպաթթուների պարունակությունն է, որն անհրաժեշտ է առողջ սրտային համակարգ ունենալու համար: