Թբիլիսիում հայկական ծագմամբ բրիտանացի լրագրողին 12-ամյա երեխա է կողոպտել
Թբիլիսիի ոստիկանությունը ձերբակալել է չարագործին, որը երեքշաբթի գիշերը Վրաստանի մայրաքաղաքում կողոպտել էր հայկական ծագմամբ բրիտանացի լրագրող Օնիկ Ջեյմս Գրիգորյանին:
Ինչպես տեղեկացնում է RG.ru-ն, չարագործը լրագրողի դրամապանակը հափշտակել էր ու կորել տեսադաշտից:
Պարզվել է, որ լրագրողին կողոպտողը 2003 թվականին ծնված տղա է: Նրա գողոնը կազմել է ընդամենը 25 դոլար և բանկային քարտեր: Քանի որ կողոպտիչը քրեական պատասխանատվության տարիքի չէ՝ գործը կարճվել է: Վրաստանում մինչև 14 տարեկան երեխաները դատարանի առաջ կանգնել չեն կարող:
Գողոնը վերադարձվել է տուժածին:










