Ողջո՛ւյն, բռնապե՛տ. Եվրահանձնաժողովի նախագահն այսպես է ողջունել Հունգարիայի վարչապետին
«Ողջո՛ւյն, բռնապե՛տ»՝ այսպես է ողջունել Հունգարիայի վարչապետ Վիկտոր Օրբանին անձամբ Եվրոպական հանձնաժողովի նախագահ Ժան- Կլոդ Յունկերը, գրում է euronews.com-ը։
Արտասովոր ողջույնը լսել են լրագրողները, սակայն նրանցից ոչ ոք չի կարողացել լսել Օրբանի պատասխանը։ Ինչևէ, նրանք երկուսն էլ ժպտում էին Ռիգայում կայացած ԵՄ գագաթաժողովի բացման արարողության ժամանակ, գրում է աղբյուրը։
Յունկերը շատ լավ տրամադրություն է ունեցել այդ օրը, և նույնիսկ փողկապ է առաջարկել Հունաստանի վարչապետ Ալեքսիս Ցիպրասին, ով հայտնի է իր «casual» ոճով։










