Իռլանդիան կողմ է քվեարկել միասեռ ամուսնություններին

14:49 • 23.05.15

Հանրաքվեի նախնական արդյունքներով՝ Իռլանդիայի բնակիչները կողմ են քվեարկել երկրում միասեռ ամուսնությունների օրինականացմանը, գրում է gazeta.ru-ն:

 

Այդ մասին հայտարարել է երկրի արդարադատության և իրավահավասարության նախարար Էյդեն Օ'Ռիարդանը:

 

Նախարարի խոսքով՝ նա երկրի պահպանողական շրջաններում քվեատուփեր է տեսել, որոնք մեծավմասամբ լցված են եղել կողմ քվեարկած քվեաթերթիկներով:

 

Ավելի վաղ հաղորդվել է, որ Իռլանդիայում ուրբաթ օրը նույնասեռ ամուսնությունների օրինականացման հարցով սահմանադրական հանրաքվե կանցկացվի:

 

Իռլանդացիները պետք է որոշեն՝ պե՞տք է արդյոք Սահմանադրությունը լրացնել հոդվածով, որ «ամուսնությունը կարող է երկու մարդկանց միջև օրենսդրության համապատասխան գրանցվել՝ անկախ նրանց սեռից»:
 

Իռլանդիայի բոլոր հիմնական քաղաքական կուսակցությունները, ներառյալ՝ պահպանողականները, կողմ էին արտահայտվել այդ հարցի վերաբերյալ Սահմանադրության մեջ փոփոխություններ մտցնելուն: