Էյֆելյան աշտարակը կրկին բացվել է՝ գրպանահատների պատճառով անձնակազմի 7-ժամյա գործադուլից հետո

11:08 • 23.05.15

Փարիզի Էյֆելյան աշտարակը կրկին բացվել է աշխատակիցների 7-ժամյա գործադուլից հետո. ակցիան սկսվել էր գրպանահատների թվի ավելացման պատճառով, գրում է Корреспондент-ը։

 

Աշտարակի աշխատակիցները կոչ են արել իշխանություններին երկարաժամկետ և արդյունավետ միջոցներ ձեռնարկել «մի խնդրի դեմ, որի զոհն են դառնում բազմաթիվ զբոսաշրջիկներ»։

 

Աշխատակիցներից մեկը պատմել է, որ գրպանահատները սովորաբար աշխատում են 4-5 հոգուց բաղկացած խմբերով, սակայն երբեմն խմբում կարող է լինել նաև մինչև 30 գող։

 

Հիշեցնենք, որ մայիսի 22-ին Էյֆելյան աշտարակը փակվել էր հանրության համար՝ գրպանահատների դեմ անձնակազմի սկսած բողոքի ակցիայի պատճառով։