ԱՄՆ-ի Կոնգրեսի շենքի մոտ պայթուցիկ նյութ են հայտնաբերել
Ամերիկացի ոստիկանները Վաշինգտոնում` Կոնգրեսի շենքի մոտ, նշմարել են կայանված կասկածելի մեքենա, որի խուզարկության արդյունքում հայտնաբերվել են պայթուցիկ նյութեր:
Ինչպես նշում է korrespondent.net-ը, այդ պահին Կոնգրեսի շենքի մոտ հավաքված են եղել հազարավոր մարդիկ, ովքեր մասնակցելու էին եկել կազմակերպված համերգին:
Իրավապահներն օպերատիվ կերպով փակել են մոտակա փողոցները, իսկ սակրավորները՝ վնասազերծել ռումբը:
Ավելի ուշ պարզվել է մեքենայի տիրոջ ինքնությունը: Աղբյուրը մանրամասնում է, որ Վիրջինիա նահանգի բնակիչը, ում անունը չի հրապարակվում, ձերբակալված է:










