Արգենտինացի ֆուտբոլիստը սրտի նոպա է ունեցել խաղի ժամանակ և մահացել հիվանդանոցի ճանապարհին (տեսանյութ)

10:57 • 25.05.15

Արգենտինական «Ատլետիկո Պարանա» ֆուտբոլային ակումբի պաշտպան Քրիստիան Գոմեսը սրտի նոպա է ունեցել անմիջապես խաղադաշտում և մահացել հիվանդանոցի ճանապարհին:

 

Ողբերգությունը տեղի է ունեցել մայիսի 24-ին` «Բոկա Ուդինոս» թիմի հետ հանդիպման ժամանակ:



Ինչպես նշում է lenta.ru-ն, առաջին խաղակեսի 32-րդ րոպեին մարզիկն ընկել է խոտածածկի վրա, ինչից հետո մրցավարը ստիպված է եղել դադարեցնել հանդիպումը:

 

Բժիշկներն ամիջապես հոսպիտալացրել են 27-ամյա ֆուտբոլիստին, սակայն Գոմեսի կյանքը փրկել չի հաջողվել. նա մահացել է հիվանդանոցի ճանապարհին:

 

Ըստ նախնական տվյալների՝ Գոմեսի մահվան պատճառ է դարձել սրտի նոպան: