ԱՄՆ-ում հեղեղումների հետևանքով հազարավոր մարդիկ հեռացել են տներից, կան զոհեր
ԱՄՆ-ում հեղեղումների հետևանքով երկու մարդ է մահացել, մոտ 2.000 բնակիչ ստիպված է եղել լքել բնակավայրը, տեղեկացնում է РИА Новости գործակալությունը:
Տեղումների ռեկորդային ծավալները հեղեղումների ու տորնադոյի պատճառ են դարձել:
Օկլահոմա նահանգում հրշեջ ծառայության աշխատակից է զոհվել՝ փորձելով փրկել տասը մարդու կյանք: Եվս մի տղամարդ զոհվել է Տեխաս նահանգում՝ Բլանկո գետի հեղեղման գոտում:
Տեղի իշխանությունները ստիպված են եղել պարետային ժամ հայտարարել: Աղետի շրջանների բնակիչները նախազգուշացվել են, որ անձրևները կարող են նոր հեղեղումներ առաջացնել:
Հաղորդվում է ավերածությունների մասին: Տուժած շրջաններում աշխատում են փրկարար ծառայությունները:










