Սանկտ Պետերբուրգի ավտոկայանատեղիում առյուծի երեք ձագ են գտել
Սանկտ Պետերբուրգի ոստիկանությունը Կրասնոսելսկի շրջանի ավտոկայանատեղիում վանդակ է գտել, որում առյուծի երեք ձագ է եղել, գրում է ТАСС գործակալությունը։
Ոստիկանությունից հայտնել են, որ կենդանու ձագերին հայտնաբերել են երեկոյան։
Կենդանիների տերը փաստաթուղթ է ներկայացրել իրավապահներին, որ տերը նա է, սակայն ոստիկանությունը ստուգում է՝ արդյո՞ք կենդանիների մուտքը Ռուսաստան օրինական ճանապարհով է իրականացվել։
Ուշ երեկոյան ոստիկանության ներկայացուցիչը հայտնել է, որ ձագերը մնալու են տիրոջ մոտ։











