Մեքսիկայի հյուսիսում տորնադոյի հետևանքով 11 մարդ է մահացել (լուսանկարներ)

08:40 • 26.05.15

Առնվազն 11 մարդ սահմանամերձ մեքսիկական Սյուդադ-Ակունյա քաղաքով անցած ավերիչ տորնադոյի զոհ է դարձել, տուժել է 229 մարդ: Այդ մասին հայտնել են տեղի իշխանությունները հաղորդում է BBC-ի ռուսական ծառայությունը: Այժմ քաղաքում արտակարգ դրություն է հայտարարված:

 

Փոթորկի հարվածը տեղի է ունեցել վաղ առավոտյան, ընդ որում՝ տորնադոն տևել է ընդամենը վեց վայրկյան, սակայն հասցրել է աղետալի ավերածություններ առաջացնել:

 

Ինչպես նշում են ականատեսները՝ քաղաքի փողոցներում քաոս է տիրել՝ ծառերից «կախված» մեքենաներ, իսկ ճանապարհներին՝ ընկած մարդիկ:

 

Կոաուիլա նահանգում օպերատիվ շտաբ է ստեղծվել տարերքի հետևանքները վերացնելու համար:
Փոթորկից տուժել է նաև Ռիո Գրանդեի մյուս ափին գտնվող Տեխասի Դել-Ռիո քաղաքը:

 

 

Damage after tornado in Ciudad Acuna. 25 May 2015Damage in Ciudad Acuna. 25 May 2015

Damage in Ciudad Acuna. 25 May 2015

Bus wrecked by tornado. 25 May 2015

Blanco river basin in Texas, 24 May