Լավրովը հայտարարել է Դոնբասում հակամարտության խաղաղ կարգավորման «իրական հնարավորության» մասին

14:12 • 28.05.15

Ռուսաստանի արտգործնախարար Սերգեյ Լավրովը հայտարարել է մինսկյան համաձայնագրի հիման վրա Ուկրաինայի արևելքում հակամարտության խաղաղ կարգավորման հնարավորության մասին, տեղեկացնում է РИА Новости գործակալությունը:

 

«Այսօր իրոք մինսկյան պայմանավորվածությունների հիման վրա խաղաղ կարգավորման հասնելու իրական հնարավորություն կա»,-ասել է Լավրովը:
 

Որպես հիմնական պայման՝ նա հերթական անգամ նշել է «ուղիղ, կայուն երկխոսությունն» ուկրաինական իշխանությունների ու ինքնահռչակ Դոնեցկի և Լուգանսկի հանրապետությունների միջև:
 

Հիշեցնենք, որ Լավրովը հայտարարել էր, որ Դոնբասը պետք է մնա Ուկրաինայի կազմում: