Ճապոնիայում սկսվել է Կուտինեոերաբու հրաբխի ժայթքումը
Մայիսի 29 -ին Ճապոնիայում սկսվել է Կուտինեոերաբու հրաբխի ժայթքումը: ՏԱՍՍ-ի փոխանցմամբ` հրաբխից ծխի և մոխրի «սյուներ» են բարձրանում, որոնց բարձրությունը հասնում է 9 կմ-ի:
Օդերևութաբանները այս ժայթքման բերումով հայտարարել են վտանգի առավելագույն հինգերորդ մակարդակ: Հրահանգ է տրվել անմիջապես տարհանել տեղի ամբողջ բնակչությունը, որի թիվը չի գերազանցում 150-ը:
Ներկա դրությամբ տուժածների մասին տեղեկություններ չկան: Այս արտակարգ դրության հետ կապված Ճապոնիայի կառավարությունում ճգնաժամային շտաբ է ստեղծվել:










