Քրիստոնյա ասորին ի նշան վրեժխնդրության գլխատել է «Իսլամական պետության» գրոհայինին

09:37 • 30.05.15

«Իսլամական պետություն» ծայրահեղական խմբավորման դեմ պայքարող քրիստոնյա ասորին գլխատել է խմբավորման գրոհայիններից մեկին՝ դրանով վրեժխնդիր լինելով Սիրիայի հյուսիս-արևելքում խմբավորման կողմից մարդկանց սպանության համար, հայտնում է The Guardian թերթը՝ սիրիացի իրավապաշտպաններին հղումով։

 

Ըստ իրավապաշտպան կազմակերպության դիտորդի՝ ասորին զինյալին գտել է գյուղերից մեկում և պատանդ է վերցրել։

 

Երբ նա պարզել է, որ պատանդն «Իսլամական պետություն» խմբավորման անդամ է, գլխատել է նրան։

 

Քրիստոնյաները պայքարում են ԻՊ-ի դեմ քրդական զորամիավորումների կազմում։

 

Մայիսի սկզբից գրոհայիններն ավելի քան մեկ տասնյակ ասորական գյուղ են զավթել։

 

Այդ զավթումներն ուղեկցվում են գլխատումներով՝ բոլորի աչքի առաջ, զանգվածային մահապատիժներով, մարդկանց ստրկացմամբ և բռնաբարություններով։