Ուկրաինայի անվտանգության ծառայությունը հայտարարել է Կիևում ահաբեկչություն կանխելու մասին

14:10 • 30.05.15

Ուկրաինայի անվտանգության ծառայությունը Կիևում ձերբակալել է «դիվերսանտի, ով պատրաստվում էր ահաբեկչություն իրականացնել մայրաքաղաքում», գրում է korrespondent.net-ը՝ վկայակոչելով գերատեսչության մամուլի ծառայությանը:

 

Հաղորդվում է, որ դիվերսանտը մտադրվում էր Կիևում «սպիտակ թաշկինակների երթ» կազմակերպել և դրա ժամանակ ահաբեկչություն կազմակերպել:

 

Ինչպես նշվում է գերատեսչության տարածած հաղորդագրության մեջ, «դիվերսիոն խումբը պատրաստվում էր Կիև մեկնել ինքնահռչակ Լուգանսկի Ժողովրդական Հանրապետությունից»: Ահաբեկչական գործողությունը պետք է ապակայունացներ իրավիճակն Ուկրաինայի մայրաքաղաքում և անկարգություններ հրահրեր, ասվում է հաղորդագրության մեջ։