Քաղցկեղից մահացել է ԱՄՆ փոխնախագահ Ջո Բայդենի որդին

10:44 • 31.05.15

ԱՄՆ-ում քաղցկեղից մահացել է երկրի փոխնախագահ Ջո Բայդենի որդի՝ Բո Բայդենը, հայտնում է Reuters-ը։

 

Քառասունվեցամյա Բո Բայդենը մահացել է մայիսի 30-ին ուղեղի քաղցկեղից։

 

«Մենք գիտենք, որ Բո Բայդենի հիշատակը հավերժ կմնա նրա անվախ կնոջ՝ Հելլիի և երկու հրաշալի երեխաների՝ Նատալիի և Հանթերի սրտերում»,- ասվում է Սպիտակ Տան հայտարարության մեջ։

 

ABC News-ի տվյալների համաձայն՝ Բո Բայդենի մոտ ուղեղի քաղցկեղ են ախտորոշել 2013-ի օգոստոսին, որից հետո նա անցել էր քիմիոթերապիայի կուրս։

 

Այս տարվա գարնանը հիվանդությունը կրկնվել է  ու նրան տեղափոխել են ԱՄՆ-ի զինված ուժերի բժշկական կենտրոն։