Ազատության հրապարակն այսօր վերածվել է կավճանկարչության հարթակի (լուսանկարներ)

17:00 • 01.06.15

Երևանի քաղաքապետարանի նախաձեռնությամբ հունիսմեկյան տոնական միջոցառումների շրջանակում Ազատության հրապարակը մանուկների համար վերածվել էր կավճանկարչության հարթակի:

 

Այս մասին հայտնում են քաղաքապետարանի լրատվական ծառայությունից։
 

Բոլոր մանուկների համար ապահովվել էր անսահմանափակ քանակությամբ գունավոր կավիճներ, որոնցով երեխաները պատկերել են հայկական բնաշխարհն ու  ժպտացող արևներ, պետական խորհրդանիշեր, դրվագներ մայրաքաղաքի կյանքից:

 

«Երևանը՝ փոքրիկների համար» խորագրով անցկացվող միջոցառումների շարքում Ազատության հրապարակում կազմակերպվել է նաև մանկական տոնական համերգային ծրագիր, որին ելույթ են ունեցել երգի ու պարի մանկական համույթներ, փոքրիկ երգիչներ:
 

Օրվա առթիվ Ազատության հրապարակ եկած մանուկներին բաժանվել են նվերներ, գրենական պիտույքներ ու մարզական պարագաներ: