Ռուսաստանում ճանապարհները ներկող մեքենան բախվել է մի բեռնատարի. վարորդը պատվել է դեղին ներկով (լուսանկարներ,տեսանյութ)
Տուլայի շրջանում (Ռուսաստան) M-4 Դոն մայրուղու վրա բախվել է երկու մեքենա։ Դրանցից մեկը բեռնատար, իսկ մյուսը ճանապարհների գծանշանները ներկող մեքենա է եղել։
Բարեբախտաբար՝ ոչ ոք չի տուժել։ Երկու մեքենաների բախման ժամանակ մեքենայի ներկանյութով լցված մետաղյա անոթը պայթել է, որի հետևանքով ճանապարհը և բեռնատարի վարորդը պատվել են դեղին ներկի հաստ շերտով։
Լուսանկարներից մեկում երևում է, թե ինչպես է ներկով պատված բեռնատարի վարորդը նստած մնացել իր տեղում։
Նշվում է, որ երկու մեքենան էլ նույն ուղղությամբ են ուղևորվելիս եղել։ Մայրուղու ներկով պատված հատվածը ստիպված են եղել փակել և մաքրել ներկը՝ վարորդներին չշփոթեցնելու համար։
















