Առնոլդ Շվարցենեգերը կարծում է, որ եթե Օբամայի փոխարեն ինքը նախագահ լիներ՝ ավելի լավ կղեկավարեր
Ավստրիական ծագումով ամերիկացի դերասան Առնոլդ Շվարցենեգերն ասել է, որ ավելի լավ կղեկավարեր, եթե Օբամայի փոխարեն լիներ ներկայիս նախագահը, գրում է Daily Mail-ը։
«Վստահ եղե՛ք, ես կարող եմ ավելի լավ աշխատել, քան այդ տղաները»,- ասել է նա՝ նախագահի թեկնածուների մասին խոսելիս։
Վաթսունյոթամյա դերասանն անկեղծացել է Սիդնեյում (Ավստրալիա) Terminator Genisys ֆիլմի պրեմիերայի ժամանակ տված հարցազրույցի ընթացքում։
Շվարցենեգերը Կալիֆոռնիայի նահանգապետ է եղել՝ 2003-ի նոյեմբերից մինչև 2011-ի հունվար ամիսը։
Նշվում է, որ ԱՄՆ նախագահ Օբաման՝ դեմոկրատական կուսակցության, իսկ Շվարցենեգերը հանրապետական կուսակցության անդամ է։
ԱՄՆ-ի դաշնային օրենսդրության համաձայն՝ այն անձինք ովքեր չեն ծնվել ԱՄՆ-ի տարածքում չեն կարող առաջնորդվել նախագահի պաշտոնում։
«Եթե ես ծնված լինեի ԱՄՆ-ում, ապա, ամենայն հավանականությամբ, կառաջադրեի թեկնածությունս ԱՄՆ-ի նախագահի պաշտոնին։ Ինչո՞ւ ոչ»,- ասել է հայտնի դերասանը։














