Մալայզիայում տեղի ունեցած երկրաշարժն առնվազն 2 մարդու կյանք է խլել
Առնվազն երկու մարդ է մահացել Մալայզիայում ուրբաթ օրը տեղի ունեցած 5.9 մագնիտուդ ուժգնությամբ երկրաշարժի հետևանքով, գրում է rg.ru-ն։
Այդ մասին հայտնել է Սաբահ նահանգի զբոսաշրջության նախարար Մասիդի Մաջունը։
«Մենք ցավով տեղեկացնում ենք, որ Կինաբալու լեռան վրա մարդկային զոհեր են եղել», - նրա խոսքերը մեջբերում է «ՌԻԱ Նովոստի» գործակալությունը։
Տեղացի և այլազգի լեռնագնացների մարմիններն արդեն իջեցվել են սարից։ Կինաբալու լեռը Կալիմանտան կղզու ամենաբարձր գագաթն է։











