Հովիկ Աբրահամյանի որդին ընտրության է գնացել դստեր հետ
Արտաշատի քաղաքապետի թեկնածու Արգամ Աբրահամյանը այսօր ընթացող քվեարկությանը մասնակցել է դստեր հետ։
ՀՀ վարչապետ որդին ավելի ուշ «Ֆեյսբուքի» իր էջում գրառում է կատարել՝ նշելով. «Ես կատարեցի իմ ընտրությունը հանուն բարեկեցիկ և հարմարավետ Արտաշատի»:
Հիշեցնենք, որ այսօր ՀՀ 32 համայնքներում ՏԻՄ ընտրություններ են անցկացվում։
Արգամ Աբրահամյանը Արտաշատում գրանցված միակ թեկնածուն է։ ՏԻՄ ընտրություններ են անցկացվում նաև Ալավերդիում, որտեղ առաջադրված թեկնածուները երկուսն են՝ «Հարավկովկասյան երկաթուղիներ» ՓԲԸ-ի Սանահինի մեքենայացված գծային ուղեմասի պետ Կարեն Փարեմուզյանը, ում առաջադրել է Հանրապետական կուսակցությունը և Արթուր Աբգարյանը, ով «Սթրոնգ սթոուն գրուպ» ընկերության տնօրենն է:










