Հունաստանը դուրս չի գա եվրոգոտուց. Ժան Կլոդ Յունկեր

16:55 • 07.06.15

Եվրահանձնաժողովի նախագահ Ժան Կլոդ Յունկերը հայտարարել է, որ բացառում է Հունաստանի դուրս գալը եվրոգոտուց, այս մասին հաղորդում է ТАСС-ը:

Նա նշել է, որ վշտացած է Աթենքի դիրքորոշումից: «Ես բացառում եմ Հունաստանի դուրս գալը, քանի որ չեմ ցանկանում դա տեսնել, սակայն ես անհանգստացած եմ Հունաստանի վարչապետ Ցիպրասի՝ խորհրդարանի առջև արած հայտարարության պատճառով»,-հայտարարել է Յունկերը:


Ավելի վաղ Հունաստանի վարչապետ Ալեքսիս Ցիպրասը հայտարարել էր, որ երկի ունեցած փոխառությունների հարցով վարկատուների հետ բանակցությունների ընթացքում համաձայնության չգալու դեպքում վարկերի մարման այս խնդրին կառնչվի ողջ Եվրոպան: