Իսրայելական բանակն օդային պատասխան հարված է հասցրել Գազայի հատվածում
Իսրայելական օդուժն այսօր հարված է հասցրել Գազայի հատվածում գտնվող նշանակետերին՝ ի պատասխան երկրի հարավային սահմանին ուղղված հրթիռային հարձակման, գրում է Assotiated Press-ը՝ ռազմական աղբյուրներին հղումով։
Նշվում է, որ իսրայելական օդուժի հարվածների հետևանքով կորուստներ կան, սակայն զոհվածների կամ վիրավորների մասին տեղեկություններ չկան։
Վերջին երկու շաբաթների ընթացքում Գազայի հատվածի կողմից Իսրայելի ուղղությամբ իրականացվել է արդեն երրորդ հրթիռային հարվածը։
Ռմբակոծության պատասխանատվությունն իր վրա է վերցրել ծայրահեղական մի խմբավորում, որն աջակցություն է հայտնել «Իսլամական պետություն» ահաբեկչական խմբավորմանը։
![]()










