Ռուսաստանը գալիք շաբաթ Իրանից կներմուծի նավթի առաջին խմբաքանակը

11:59 • 07.06.15

Ռուսաստանն Իրանից նավթ կներմուծի գալիք շաբաթ «Նավթ` ապրանքի դիմաց» բարտերային գործարքի շրջանակներում։ Այս մասին Bloomberg-ին հայտնել է Իրանի նավթի նախարար Բիջան Նամդար Զանգանեն։



«Հույս ունենք, որ գալիք շաբաթ նավթի առաջին խմբաքանակը կներմուծվի Ռուսաստան»,-ասել է Զանգանեն և ավելացրել է, որ Իրանին անհրաժեշտ է «տեսնել, թե որքան նավթ է ցանկանում ձեռք բերել Ռուսաստանը»։


Հունիսի 3-ին ՕՊԵԿ միջազգային սեմինարի շրջանակներում Բիջան Նամդար Զանգանեն բանակցություններ է վարել Ռուսաստանի էներգետիկայի նախարար Ալեքսանդր Նովակի հետ։


Ապրիլի 13-ին, գործարքի շուրջ աշխատանքների մասին տեղեկությունները հաստատել էր ՌԴ արտաքին գործերի նախարարի տեղակալ Սերգեյ Րյաբկովը։