Երկակի օլիմպիական չեմպիոնը Ռուսաստանում ավտովթարից մահացել է

13:40 • 07.06.15

Սուսերամարտի երկակի օլիմպիական չեմպիոն 40-ամյա Սերգեյ Շարիկովը մահացել է ավտովթարից, գրում է interfax.ru-ն։


Մարզիկի մեքենան Կալուգայի շրջանում բախվել է Lada մակնիշի մեքենայի։ Նշվում է, որ մյուս մեքենայի վարորդը ոստիկան է։


Սերգեյ Շարիկովի մահվան մասին հայտնել է Ռուսաստանի սուսերամարտի ֆեդերացիայի մամլո քարտուղար Ելենա Գրիշինան։


Իր կարիերայի ընթացքում Սերգեյ Շարիկովը երեք անգամ աշխարհի և հինգ անգամ Եվրոպայի չեմպիոն է դարձել, ինչպես նաև ստացել է մի շարք պետական մրցանակներ։