«Արթիկ» ՔԿՀ-ի արգելապատնեշից թմրանյութ են նետել ներս

12:24 • 08.06.15

Հունիսի 3-ին՝ ժամը 23:50-ի սահմաններում, ՀՀ ԱՆ «Արթիկ» քրեակատարողական հիմնարկի արգելապատնեշի մոտ մեքենայից հընթացս ինչ-որ իր են նետել բնակելի տեղամաս և արագ հեռացել: Այս մասին տեղեկացնում է ՀՀ ԱՆ ՔԿՎ հանրային կապերի բաժինը:


Պոլիէթիլենային փաթեթի զննությամբ հայտնաբերվել և առգրավվել է 2,5 գրամ ընդհանուր քաշով մուգ շագանակագույն և 3,2 գրամ կանաչադարչնագույն զանգվածներ:


Հաջորդ օրը՝ ժամը 01:40-ի սահմաններում, ՀՀ ԱՆ «Հրազդան» քրեակատարողական հիմնարկի արտաքին պատերից մեկի պահակետի մոտ անհայտ անձի կողմից կատարվել է  արտանետում, որի հետևանքով փշալարի վրա կախված է մնացել պոլիէթիլենային փաթեթ:


Զննությամբ փաթեթից հայտնաբերվել և առգրավվել է «B 8» դաջվածքով, 0,676 գրամ ընդհանուր քաշով երկու դեղահաբ:


Հայտնաբերված թմրամիջոցներն ուղարկվել են փորձաքննության: