Ինքնահռչակ Դոնեցկի և Լուգանսկի Հանրապետությունները ՌԴ կազմի մեջ մտնելու ցանկություն են հայտնել
Ինքնահռչակ Դոնեցկի և Լուգանսկի Ժողովրդական Հանրապետությունները Ղրիմը Ռուսաստանի մաս են համարում, դեռ ավելին՝ ինքնահռչակ հանրապետությունները լավագույն տարբերակում նույնպես կցանկանային ՌԴ կազմի մեջ մտնել, հաղորդում է ria.ru-ն:
Կոնտակտային խմբում ինքնահռչակ ԴԺՀ ներկայացուցիչ Դենիս Պուշիլինի և Մինսկի բանակցություններում ինքնահռչակ ԼԺՀ ներկայացուցիչ Վլադիսլավ Դեյնեգոյի համապատասխան հայտարարությունը հրապարակել է «Լուրերի Դոնեցկի գործակալությունը»:
«Դոնեցկի և Լուգանսկի Ժողովրդական Հանրապետությունները Ղրիմը համարում են Ռուսաստանի մաս: Ավելին՝ մեր պետությունները նույնպես լավագույն տարբերակում կցանկանային մտնել Ռուսաստանի Դաշնության կազմի մեջ»,- ասված է հայտարարությունում:
Հիշեցնենք, որ 2014 թվականի մարտին Ղրիմում անցկացված հանրաքվեի արդյունքում թերակղզին առանձնացել է Ուկրաինայից և միացել ՌԴ-ին։










