Էրդողանի պարտականությունները ժամանակավորապես կստանձնի ընդդիմադիր պատգամավորը
Ադրբեջան կատարելիք այցի ընթացքում Թուրքիայի նախագահ Ռեջեփ Թայիփ Էրդողանի լիազորությունները պետք է փոխանցվեն ընդդիմադիր Ժողովրդահանրապետական կուսակցության նախկին առաջնորդ Դենիզ Բայքալին:
Ինչպես տեղեկացնում է թուրքական «Հուրրիյեթ» թերթի կայքը, պատգամավոր ընտրված Բայքալը Թուրքիայի նորընտիր խորհրդարանի ամենատարեց անդամն է:
Բալքալն ընտրվելու է խորհրդարանի խոսնակ, և, համաձայն Թուրքիայի օրենսդրության, նախագահի բացակայության ընթացքում խորհրդարանի ղեկավարը ստանձնում է նախագահի պարտականությունները:
Էրդողանը մեկնելու է Բաքու՝ մասնակցելու Եվրոպական խաղերի բացման արարողությանը:










